“Xəzər Lənkəran”dan ayrılan Toni Doblasın müsahibəsi..
– Toni, ötən söhbətimizdə klubla heç cür əlaqə saxlamadığını demişdin. İndi necə, görüşə bildin?
– Dünən klubun ofisində 4 saat gözlədim, amma, heç bir nəticə olmadı. Bu gün isə onlar otel rəhbərliyinə tapşırıblar ki, məni ordan çıxarsın. Klub oteldə qalmaq pulumu ödəmədi. Mən də eybi yox, öz pulumla ödəyim desəm də, oteldə yer olmadığını bildirdilər. Məcbur qalıb oetli tərk etdim. Onlar dəli olublar. Mən artıq danışıqlarımı FİFA səviyyəsində aparacağam.
– Bəs, indi harda qalırsan?
– İndi başqa bir oteldə, Park İNN oteldə qalıram.
– Otel pulunu kim ödəyir?
– Özüm.
-Oteldə kiminlə qalırsan?
-Marin Orsuliç və mən
-Marin klubla görüşə bilib?
– O ele indi klubun ofisində gözləyir.
– Sənə iyun və iyul aylarının maaşı ödənməmişdi. Bu məsələ həll olundu?
– Yox,onlar heç bir şey demirlər. Üstəlik mənim müqaviləm ola-ola mən bir ilimi də itirirəm. Bu bir il heç. Amma, iyun və iyul ayları mənim haqqımdır və mən haqqım olanı istəyirəm.
-Klubla əlaqə saxladım və deyildi ki, sən iyun ayında klubdaxili cəza almısan ona görə də iyun ayının maaşı verilməyib.
-Onlar deyir ki, mən kubokun finalında 11 metrlik zərbəni saxlamadığım üçün cərimə olunmuşam. Başları xarab olub.. Klubun qoyduğu heç bir qayda qanuni deyil
-Bəs,nə qədər gözləyəcəksən?
-Pulumu nə vaxt versələr, o vaxt gedəcəm. Həmdə müqaviləmi ləğv etməliyəm. Artıq FİFA-dakı vəkildən zəng gözləyirəm
-FİFA ilə müqavilən var?
-Təbii ki…
-Ordakı vəkillərlə danışmısan artıq?
-FİFA-da dostum var. Ondan zəng gəlməyini gözləyirəm ki, addım atım.
-Klubda gözlədiyin 4 saat müddətində sənə nə dedilər?
-Heç bir şey. Mən klubun üzvüyəm və hələ də müqaviləm var. Mənə məlumat vermək məcburiyyətindədirlər. Heç bir yerdə belə şey yoxdur. Məsələyə peşakarlıqla yanaşmaq lazımdır.
-HəmyerlilərinAlvaro Silva və Alexis Plaza bu məslə ilə bağlı səninlə danışıb?
-Bu mənim problemimdir. Onlar mənim dostumdur. Amma, mən bu problemimə onları qatmaq istəmirəm.
-Bəs, Con Toşaka qarşı kinin var?
-Mənim indiyə kimi heç kimlə problemim olmayıb. Mən elə insan deyiləm. Toşaka da həmişə hörmətlə yanaşmışam.
futbol11.az
