Tokio-2020 təxirə salınmayacaq
18.03.2020 , 18:55
Beynəlxalq Olimpiya Komitəsi Tokio-2020 Yay Olimpiya Oyunlarını təxirə salmağı planlaşdırmadıqlarını bəyan edib.
Korner.az xəbər verir ki, qurum koronavirus pandemiyasına görə radikal qərarlar verməyəcəklərini açıqlayıb:
“Yarışa 4 ay qalmış radikal qərarlardan uzağıq. Hazırda idmançılar lisenziya turnirlərində problemlə üzləşiblər. Bəzi ölkələrdə idmançıların müntəzəm hazırlıq keçməsində problemlər var. Federasiyalar və olimpiya komitələri bu yöndə çalışır. İdmançıların 57 faizi olimpiadaya lisenziya qazanıb. Digər 43 faiz idmançı üçün zəruri dəyişikliklər ediləcək”.
Xatırladaq ki, 32-ci Yay Olimpiya Oyunları iyulun 24-dən avqustun 9-dək Tokioda keçiriləcək.
