Türkiyə Futbol Federasiyasının İntizam Komitəsinin iclası keçirilib.
Korner.az-ın məlumatına görə, toplantıda Superliqanın XXIV turunda yarımçıq qalan “Trabzonspor” – “Fənərbaxça” oyunu ilə bağlı məsələ müzakirə olunub.
Martın 10-da “Avni Aker” stadionunda keçirilən və İstanbul təmsilçisinin 1:0 hesabı ilə öndə olduğu qarşılaşma 45+9-cu dəqiqədə dayandırılmışdı.
Həmin vaxt arenada yaşananları nəzərə alan komitə meydan sahiblərinə 0:3 hesablı texniki məğlubiyyət verib. Bu qəraradək hesabında 1 oyun az olmasına baxmayaraq, liderlik edən “Fənərbaxça” aldığı qələbə ilə izləyicilərindən daha da uzaqlaşıb.
Superliqanın sonuna 6 tur qalmış liderin hesabında 63, “Qalatasaray”ın isə 53 xalı var.