Türkiyə Superliqasında ötən gün “Mersin İdmanyurdu” ilə qarşılaşmadan 1:1 hesablı bərabərliklə ayrılan “Qalatasaray”ın baş məşqçisi Fatih Terim matçdan sonra keçirilən mətbuat konfransında xeyli qəzəblənib.
Korner.az-ın məlumatına görə, jurnalistlər arasında olan bir nəfər Terimə sual verib.
“İmperator” ondan hansı qəzeti təmsil etdiyini soruşub və məlum olub ki, həmin şəxs jurnalist deyil. Bu məqam Terimi özündən çıxarıb: ''Jurnalist olmayan adamın gəlib burda mənə sual verməsinə imkan verirsiz. Belə bir şey necə ola bilər? Hər yoldan ötən mənə sual verir. Bir də belə şey olsa, mətbuat konfranslarına gəlməyəcəm”.