17 yaşadək futbolçulardan ibarət Azərbaycan milli komandasının baş məşqçisi Təbrik Həsənov İrlandiya və Azərbaycan yığmaları arasında keçirilmiş yoldaşlıq oyunu haqda fikirlərini bildirib.
Korner.az– ın AFFA-ın rəsmi saytına istinadən məlumatına görə, Həsənov müdafiəçilərin çıxışından narazı qalıb:
“Gərgin və sürətli oyun oldu. İlk oyunla müqayisədə uşaqlar bu dəfə daha yaxşı təsir bağışladılar. İrlandiya yığması müdafiədə buraxdığımız səhvlərdən maksimum istifadə etdi. İkinci hissəni hücumda keçirsək də, hesabı bərabərləşdirmək üçün əldə etdiyimiz imkanlardan yararlana bilmədik”.
