“Kəpəz” futbol klubunun hazırkı vəziyyəti artıq Gəncənin futbol ictimaiyyətini təngə gətirib. Yerli azarkeşlərlə yanaşı, şəhərin veteran futbolçuları və mütəxəssisləri də, Gəncə futbolunun hazırkı vəziyyətinə bigəna qala bilmirlər.
Korner.az-ın məlumatına görə, vaxtı ilə “Kəpəz”in baş məşqçisi vəzifəsində çalışan və SSRİ-i dönəmində 10 ilə yaxın müddətdə “Neftçi”nin şərəfini qoruyan Arzu Mirzəyev də artıq media nümayəndələrinə verdiyi açıqlamasında klub rəhbərliyini kəskin şəkildə tənqid edib:
“Gəncə futbolu 3 ildir ki dairə şəkilindədir. Fuad İsmaylov gedir, Fuad İsmaylov gəlir. Arada da bəzi gənc mütəxəsislərimiz qurban verilir. Hazırda Kəpəzin qurbanı Mahmud Qurbanovdur. Böyük ehtimalla onun istefasından sonra, bu vəzifəyə yenidən, bayaq dediyim kimi Fuad İsmaylov gətiriləcək. Elmir Əliyev 5 aydır futbolçuların maaş problemini həll edə bilmir. Mən başa düşmürəm bu insan müqəvvadır? Orda nə oturub? Varlığı ilə yoxluğu bilinməyən prezidentin komandası elə laiq olduğu pillədə də qərarlaşıb. Ancaq bu vəziyyət Gəncə futboluna yaraşmır. Mən onların hamısını istefaya dəvət edirəm, gedin işinizlə məşğul olun, icazə verin futbolla, futbol adamları məşğul olsun, mən niyə gedib zavodda işləmirəm, çünki bu mənim işim deyl, mənim işim futboldur!!!”
Onu da xatırladaq ki, dövlətimiz müstəqillik əldə etdiyi vaxtdan, Gəncə komandası müvəqqəti də olsa bu günə qədər hələ turnir cədvəlinin son pilləsində yer almamışdı.
xemse-fan.com
