“Qəbələ” uğursuzluq zolağına düşdüyü vaxtlarda Yuri Syominlə bağlı müxtəlif xəbərlər yayılırdı. Komanda hədəflərindən uzaqlaşdıqca rusiyalı mütəxəssisin mövsümün sonunda istefaya göndəriləcəyi ilə bağlı iddialar da gücləndirdi.
Korner.az-ın məlumatına görə, üstəlik, Moskva “Lokomotiv”inin və Kiyev “Dinamo”sunun sabiq çalışdırıcısı Rusiyanı adlı-sanlı klublarından olan “Spartak”dan (Moskva) təklif almışdı. Bu da onun gedişini asanlaşdıran amillərdən idi.
İndi problemlər böyük ölçüdə arxada qalıb. “Qəbələ” Avropa Liqasına vəsiqə qazanıb və ilk dəfə kubokun finalına çıxıb. Artıq “Qəbələ” rəhbərliyi də qərarını verib. Klub rəhbərliyi rusiyalı mütəxəssisə yeni anlaşma təklif edib. Bir illik müqaviləni Syomin özü də qəbul edib. Mövsüm başa çatan kimi tərəflər arasında rəsmi anlaşma imzalanacaq.
Syominin Rusiyadan təklif almasına gəlincə, mütəxəssis həqiqətən də “Spartak” aə adı açıqlanmayan başqa bir Premyer Liqa klubunun maraq dairəsindədi. Amma rusiyalı mütəxəssis bu təklifləri dəyərləndirməyəcək.
