“Azərbaycan Kubokunun finalından sonra Syomin yaxın günlərdə başa çatacaq müqaviləni uzatmaqdan imtina etdi. Müqavilə tərəflərin qarşılığı razılığı əsasında əməkdaşlığı davam etdirməyə imkan verirdi”.
Korner.az-ın məlumatına görə, bu sözləri Yuri Syominin meneceri Dmitri Selyuk deyib.
“İzvestiya” qəzetinə danışan menecer “Qəbələ”nin rus mütəxəssislə müqaviləni uzatmaq istədiyini bildirib: “Qəbələ” Syominlə müqavilə bağlamağa maraq göstərdi. Ancaq Syomin imtina etmək qərarına gəldi. Yuri Pavloviç müqavilə müddətində vicdanla işlədi və qarşısında qoyulmuş məqsədi – “Qəbələ”ni avrokuboklara çıxarmağı yerinə yetirdi”.
Dmitri Selyuk Syominin Rusiyada işləmək istədiyini deyib: “Syomin həqiqətən Rusiyada işləmək istəyir. Cari mövsümdə Rusiya Premyer Liqasının bəzi komandalarının necə çıxış etdiyini nəzərə alsaq, bu halda, Syominin namizədliyi sadəcə, istənilir. Onun bütün komandaları mövsümün yekunlarına əsasən, mütləq avrokuboklara çıxırlar. Syomin real uğura nail olmaq baxımından, müvafiq məşqçidi”.
