Dünən Rusiyanın “Mordoviya” klubu ilə 1+1 illik müddətə anlaşan “Qəbələ”nin sabiq çalışdırıcısı Yuri Syomin Marat İzmaylovun Azərbaycan macərasından danışıb.
Korner.az-ın məlumatına görə, o, öz ölkəsinin mətbuatına açıqlamasında azərbaycanlı azarkeşlərin İzmaylovun timsalında əla futbolçu gördüklərini deyib.
“Marat xeyli müddət oynamamışdı. Ancaq kubokun finalında mən onun timsalında Rusiya Premyer-liqasının istənilən klubunda oynaya biləcək superoyunçu gördüm.Mənə elə gəlir ki, “Portu” onu geri götürəcək”, – deyə Syomin bildirib.
67 yaşlı çalışdırıcı Maratın potensialının 100 faizi həcmində oynaya bilməməsinin anlaşılan olduğunu deyib: “İzmaylovun orqanizminin spesifikası belədi, potensialənın 60-70 faizindən artıq oynaya bilmir. Bunu anlamaq və qəbul etmək lazımdır. O, “Qəbələ”də süni meydançalardakı matçlar istisna olmaqla, demək olar, bütün oyunlarda oynadı.