Topaz Premyer Liqasının III turu çərçivəsində keçirilən “Sumqayıt” – “Qəbələ” matçından sonra komandaların baş məşqçilərinin fikirləri belə olub:
Yuri Syomin, “Qəbələ” klubunun baş məşqçisi: “Bu gün nə meydana, nə də rəqibin oyun üslubuna alışa bilmədik. Ötürmələrdə qeyri-dəqiqlik çox idi. “Sumqayıt”ın emosional hazırlığı yüksək səviyyədə idi”.
Aqil Məmmədov, “Sumqayıt” klubunun baş məşqçisi: “Qələbə münasibəti ilə azarkeşlərimizi təbrik edirəm. Sonadək bizə dəstək oldular. Futbolçular verilən tapşırıqları yerinə yetirə bildilər. Hesab arasındakı fərq daha böyük ola bilərdi”.
