“Bavariya”nın qapıçısı Sven Ulrayx Çempionlar Liqasının yarımfinal mərhələsinin “Real”la səfər oyunundakı (2:2) səhvinə görə üzr istəyib. Qolkiper “instaqram” səhifəsində bu səhvinə görə təəssüf etdiyini deyib:
“Bu xəyal qırıqlığını izah edəcək söz tapa bilmirəm. Biz finala çıxmağı çox istəyirdik və buna nail olmaq üçün əlimizdən gələni etdik. Lakin mən bu gərəksiz səhvi etdim. Komanda yoldaşlarımdan və azarkeşlərimizdən üzr istəyirəm”.
Xatırladaq ki, Ulrayx oyunun ikinci hissəsində, hesab 1:1 olan zaman müdafiəçinin ötürməsini qəbul edə bilməmiş, bundan yararlanan Kərim Benzema isə hesabı 2:1 etmişdi. “Bavariya” bundan sonra hesabı bərabərləşdirsə də, 2:2 nəticəsi final üçün kifayət etməyib.