Məlum olduğu kimi, AFFA-nın İcraiyyə
Komitəsinin 2013-cü il dekabrın 18-də keçirilmiş iclasında qəbul olunmuş
qərarlardan biri də Premyer Liqada çıxış edən klublarda uşaq və yeniyetmə
futbolu ilə bağlı fəaliyyət göstərmək üçün AFFA tərəfindən idman direktoru
təyin olunması idi.
Korner.az-ın məlumatına görə, Fevralın 1-dən etibarən Frank Bernhardt (Almaniya)
“Sumqayıt” Futbol Klubunda idman direktoru kimi işinə start verib.
26.08.1969-cu ildə anadan olan
adıçəkilən mütəxəssis 2005-ci ildə PRO kateqoriyasına yiyələnib. Frank
“Sankt-Pauli” 2000-2006-cı illər ərzində mütəmadi olaraq U-17, U-19
və U-23 komandasının baş məşqçisi olub. O, 2007-ci ildən etibarən Estoniya
Futbol Federasiyasında texniki direktor vəzifəsində çalışıb və həmin ölkənin
U-19 və U-21 millilərini çalışdırıb. Frank son olaraq Estoniya Premyer
Liqasında çıxış edən “Kalev” klubunun baş məşqçisi olub.
