Sumqayıt” Futbol Klubu Premyer Liqa üçün təlim-məşq toplanışını davam etdirir.
Korner.az-ın məlumatına görə, bu barədə xəbəri klubun rəsmi saytı yayıb. Aqil Məmmədovun rəhbərlik etdiyi komanda bu gün növbəti məşqinə çıxıb. komanda səhər məşqində daha çox fiziki çalışmalara üstünlük verib. “Sumqayıt” FK axşam “Kapital Bank Arena”da növbəti məşqinə çıxacaq.
Qeyd edək ki, komanda hazırlıq mərhələsi çərçivəsində növbəti yoxlama oyununu sabah I divizion təmsilçisi “Zirə”yə qarşı keçirəcək. Həmin qarşılaşma saat 16:00-da “Kapital bank Arena”da start götürəcək.
