Topaz Premyer Liqasının ikinci mərhələsinə "Bakı" oyunu ilə start verəcək "Sumqayıt" hazırlığını davam etdirir.
Korner.az-ın klubun rəsmi saytına istinadən məlumatına görə, sumqayıtlılar almaniyalı baş məşqçisi Bernhard Raabın rəhbərliyi altında “Bayıl Arena”da növbəti məşqinə çıxıb.
Bir müddət əvvəl məşqdə zədələnən Murad Ağayev hələ də tam heyətlə hazırlaşa bilmir. Bu üzdən yarımmüdafiəçinin "zolaqlılar"la oyunda iştirakı sual altındadır. Millimizin heyətində yer alan qapıçı Səlahət Ağayevlə hücumçu Pərdis Fərcad-Azad isə komandaya nisbətən gec qoşulacaq.
Qeyd edək ki, “ Bakı” – “Sumqayıt” oyunu fevralın 10-da saat 13:30-da start götürəcək.
