Zədəlilər sıraya dönür
Azərbaycan Premyer Liqasının 14-cü turu çərçivəsində AZAL-la qarşılaşacaq "Sumqayıt" klubu bu oyunun məşqlərini davam etdirir.
Korner.az-ın klubun rəsmi saytına istinadən verdiyi məlumata görə, Bayıl stadionunda hazırlaşan komandanın heyətində bəzi itkilər var.
Belə ki, Murad Hüseynovla Murad Doymuş son hazırlıqda fərdi məşqlərlə kifayətlənib. "Portu"nun düşərgəsində baxışda olan Orxan Əliyevin isə cümə günü komandaya qoşulacağı gözlənilir.
Milli komandanın heyətində Şimali İrlandiya ilə keçirilmiş görüşdə barmağı sınan Səlahət Ağayev isə məşqlərə başlayıb. Ötən turdan cəza səbəbindən iştirak edə bilməyən Murad Ağayev də artıq kiçik zədəsini sağaldaraq komandaya qoşulub.
