“Formula1”-in əfsanəvi pilotu Mixail Şumaxer komadan ayılandan sonra gəzməyi, danışmağı və yemək yeməyi yenidən öyrənəcək.
Korner.az-ın lent.az-a istinadən xəbərinə görə, bu haqda Kembric Universitetinin professoru Peter Hutkinson deyib. P.Hutkinsonun sözlərinə görə, Şumaxer artıq əvvəlki kimi vəziyyətinə qayıda bilməyəcək:
“Şumaxer hər şeyin dəyişdiyi bir dünyaya qayıdacaq. Əlbəttə, onun üçün asan olmayacaq, ancaq yaşamaq üçün yeni şərtlərlə ayaqlaşmaq məcburiyyətindədir”.
M.Şumaxer ötən il dekabrında Fransada xizək sürərkən yıxılıb və beyni zədələnib. Alman pilot artıq 132 gündür koma vəziyyətində yatır.
