"Çox gərgin oyun keçdi. İlk qola qədər hər şey qaydasında gedirdi. Ancaq sonra işi bir az təhlükəyə atdıq. Məğlubiyyətin o qədər önəmi yoxdu. Əsas məsələ mərhələni keçməyimizdi".
Korner.az-ın məlumatına görə, bu sözləri Dortmund "Borussiya"sının hücumçusu Robert Levandovski deyib.
Polşalı forvard sona 5 dəqiqə qalmış daha çox həyəcanlandığını gizlətməyib:
"O son beş dəqiqə mənə on dəqiqə kimi gəldi. Vaxt keçmək bilmirdi. Ancaq sonunda xoşbəxt bir gecə keçirdik. Karyeramda ən gözəl günlərdən birini yaşadım. Çox xoşbəxtəm. Finala qədər 3 həftəmiz var. Ən yaxşı şəkildə hazırlaşacağıq".
