“Qalatasaray”ın baş məşqçi məsələsi bu gün həll oluna bilər.
Korner.az-ın məlumatına görə, Türkiyənin “Hürriyyət” qəzeti iddia edir ki, bu gün iki baş məşqçi danışıqlar üçün İstanbula gələcək.
Bunlar Roberto Mançini və Marselo Bielsadı. İddiaya görə, Mançini özü və köməkçilərinə 9 milyon avro istəyib. “Sarı-qırmızılılar” isə “Terimə 3 milyon verirdik. Çempionluq bonusları da var. Büdcəmiz budu” – cavabını verib. Mançini məbləği müzakirə etməyə hazır olduğunu deyib.
İddiaya əsasən, “Qalatasaray” başqanı Ünal Aysal “Atletiko”nu (Bilbao) Avropa Liqasının finalına çıxartmış argentinalı Marselo Bielsaya da 3 milyon təklif edəcək.
Xəbərdə bildirilir ki, Ünal Aysal bu gün hər iki çalışdırıcıyla İstanbulda görüşəcək və yekun qərarını verəcək və gələn həftə Çempionlar Liqası çərçivəsində “Yuventus”a qarşı keçiriləcək matça da komandanı yeni çalışdırıcı çıxaracaq.
