Sneyderin dönüşü

“Qalatasaray”ın futbolçusu Uesli Sneyder bu mövsüm uğurlu çıxışı ilə seçilir.

Korner.az-ın sporx.com-a istinadən verdiyi məlumata görə, İstanbul klubunun qazandığı qələbələrdə böyük pay sahibi olan hollandiyalı yarımmüdafiəçi futbolçu karyerasının ən yaxşı mövsümlərindən birini keçirir.

Təcrübəli oyunçu cari mövsüm Türkiyə superliqasında iştirak etdiyi 19 matçda 9 qol və 6 qol ötürməsi ilə yadda qalıb. Bu isə Sneyderin 2006/2007 mövsümündən sonra ən yaxşı çıxışıdır.