Braziliya yığmasının baş məşqçisi Luis Felipe Skolari sabah keçiriləcək Almaniya oyunu haqqında fikirlərini mətbuatla bölüşüb.
Korner.az-ın məlumatına görə, təcrübəli mütəxəssis Neymarın itkisinin onlara motivasiya verdiyini bildirib:
“Neymarın yoxluğu bütün komandaya əlavə motivasiya verəcək. O, komanda üçün çox şey etdi. Neymarın zəhmətinin qarşılığını vermək və Braziliyanı çempion etmək zamanı gəlib. Bu bütün Braziliyanın arzusudu. Biz meydana özümüzə, Braziliya xalqına və Neymara görə çıxacağıq.”
Skolari həm də hakimlər haqda da danışıb:
“Fikrimcə hakimlər heyəti bu qarşılaşmaya uyğundu. Rodriqes təcrübəli hakimdi. FIFA-nın düzgün seçim etdiyini düşünürəm.”
Rəqib Almaniya haqqında da fikirlərini söyləyən Skolari:
“Almaniya yığmasına hörmət edirəm. Onlar meydanın hər hissəsində güclü oyunçulara malikdi. Biz ilk növbətə öz planımıza uyğun çıxış etməliyik.”