Topaz Premyer Liqasının növbətu turunda "İnter"in qonağı olacaq "Simurq" hazırlıqlara start verib.
Korner.az-ın klubun saytına istinadən verdiyi məlumata görə, dünən bərpaedici məşqə çıxan futbolçulara bu gün baş məşqçi Georgi Çixradze istirahət verib. Sabahdan isə məşqlər qaldığı yerdən davam etdiriləcək.
Paytaxt təmsilçisi ilə görüş öncəsi hazırda Zaqatala təmsilçisinin heyətində zədəli və cəzalı futbolçu yoxdur. "Neftçi" ilə görüşdə ayağında ağrılar hiss edən Stepan Polyakda artıq komanda ilə birlikdə məşqlərə başlayıb.
Qeyd edə ki, "İnter" – "Simurq" oyunu aprelin 20-də "Şəfa" stadionunda keçiriləcək.
