“Simurq” İlkin Qırtımovla müqaviləsinin müddətini artırıb.
Korner.az-ın məlumatına görə, Zaqatala futbol məktəbinin yetirməsi daha iki ildə komandamızın uğurları üçün çalışacaq.
Vitse-kapitan yeni müqaviləyə qol çəkdikdən sonra fikirlərini klubun rəsmi saytına bildirib: “Yenidən doğma komandamda qaldığım üçün çox sevinirəm. Bir neçə təkliflərim var idi. Ancaq mənə futbolun sirrlərini öyrədən komandanı seçdim. Klub prezidenti və məşqçilərimdə çox sağ olsunlar ki, məni komandada sağlamağa çalışdılar və yeni müqavilə təklif etdilər. Allahın köməkliyi ilə “Simurq”la daha böyük uğurlar qazanmaq istəyirəm”.
Qeyd edək ki, İlkin cari mövsümdə “Simurq”un heyətində 15 oyunda meydana çıxıb və 1326 dəqiqə oynayıb.
