“Simurq” yeni mövsümün hazırlıqlarının davam etdirir.
Korner.az-ın klubun rəsmi saytına istinadən verdiyi məlumata görə, dünən iki məşqə çıxan komanda səhər çalışmasına fiziki gücün artırılması ilə başlayıb.
Uzun məsafəli qaçış və isinmə hərəkətlərindən sonra fiziki hazırlıq üzrə məşqçi Aleksandr Karakliçin rəhbərliyi altında “sarı-qaralar” tapşırıqları yerinə yetirib. Daha sonra isə taktiki və texniki çalışmalara keçirilib. Xüsusən hücum təşkili və sonunçu zərbələr üzərində məşq edilib.
Mövsümün sonunda müqaviləsinin müddəti bitdiyinə görə komanda ilə yollarını ayıran Anderson Oliveyra məşqçilər korpusunun qərarı əsasında yenidən geri çağırılıb. Braziliyalı müdafiəçi bu gündən məşqlərə başlayıb. Yaxın günlərdə onunla yeni müqavilə imzalanacaq.
Axşam məşqində isə “Simurq” bugünkü “Dila” ilə yoldaşlıq görüşünə hazırlıq çərçivəsində məşq edib. Qaçış və isinmə hərəkətlərindən sonra “kvadrat” oynanılıb. Sonda isə ikitərəfli oyunla hazırlıq tamamlanıb.
Qeyd edək ki, Zaqatala təmsilçisi yeni mövsümə hazırlıq çərçivəsində sabah ikinci yoldaşlıq görüşünü keçirdəcək. “Dila” ilə qarşılaşacaq komandanın oyunu Bakı vaxtı ilə 19:30-da start götürəcək.
