Premyer Liqanın XVIII turunda “Bakı”nı qəbul edəcək “Simurq” hazırlıqlarına davam edir. Zaqatala təmsilçisi ilin son matçına itkilərsiz hazırlaşır.
Korner.az-ın məlumatına görə, bu qarşılaşmadan sonra bir müddət istirahətə buraxılacaq “Simurq” yanvarın ilk gümlərində qış fasiləsində planlaşdırılan təlim – məşq toplanışına start verəcək.
Qeyd edək ki, komanda yanvarın 6-da Antalyaya yola düşəcək və “Sirena Belek” otelində məskunlaşacaq. Zaqatala təmsilçisi burada dörd yoldaşlıq görüşü keçirəcək. Qarşılaşmalar 15, 18, 21 və 24 yanvar tarixlərində baş tutacaq. Georgi Çixradzenin yetirmələrinin ilk rəqibi Albaniyanın “Partizani” klubu olacaq. Digər rəqiblər isə hələki müəyyənləşməyib.