Şenol Güneş: “Oynayıb, qazanmalıyıq”
16.08.2023 , 20:54
“Beşiktaş”ın baş məşqçisi Şenol Güneş Konfrans Liqasının III təsnifat mərhələsində sabah “Neftçi”yə qarşı keçirəcəkləri oyundan əvvəl fikirlərini bölüşüb.
Korner.az xəbər verir ki, mütəxəssis matçla bağlı bunları deyib:
“Sıx qrafikdəyik. Bu periodu yaxşı keçirməliyik. Hazırda problemimiz yoxdur. “Neftçi” ilə matça üstün başlayacağıq. İlk oyunda 3:1 hesablı qələbə qazanmışıq. Lakin hələ mərhələni keçməmişik. Oynayıb, qazanmalıyıq.
“Neftçi” texniki cəhətləri yaxşı olan komandadır. Öz oyunumuzu oynayıb, mərhələni keçmək istəyirik. Ümid edirəm, əyləncəli oyun olar və yolumuza davam edərik”.
“Beşiktaş” – “Neftçi” oyunu saat 21:00-da başlayacaq. Komandalar arasındakı ilk oyunda Türkiyə təmsilçisi qələbə qazanıb – 3:1.
