Topaz Premyer Liqasının V turu “Neftçi” – “Xəzər Lənkəran” oyunu ilə ələmətdar oldu.
Korner.az-ın məlumatına görə, “Bakcell Arena”da keçirilən oyun 1-1 hesabı ilə başa çatdı.
Oyundan sonra “Neftçi”nin baş məşqçisi Samir Əlyev bunları deyib:
“Görüşdən öncə böyük oyunun əhəmiyyətini itirdiyini deyirdilər. Məncə, böyük oyuna layiq bir mübarizə getdi. Mübarizə, qırmızı vərəqə, vurulmayan penalti… Futbolda səhvlər olur. Biz də səhvlər etdik. Məncə, Erik Ramos ədalətli oyun qaydalarına riayət etməli, topu rəqibə qaytarmalı idi. Amma bunu etmədi. Onunla bu barədə söhbət edib, eyni halın təkrarlanmamasını tapşıracağam. Ola bilsin ki, qələbə istəyindən irəli gələn bir şeydi. Amma istənilən halda, olmamalıdır”
