“Rəvan” klubu bu gün mətbuat konfransı keçirərək yeni baş məşqçisi Şahin Diniyevi ictimaiyyətə tanıdıb.
Korner.az-ın məlumatına görə, məşqçi mətbuat konfransında maraqlı açıqlamaları ilə yadda qalıb.
O millininin mətbuat konfransı olmasına baxmayaraq, “Bayıl Arena”ya gələn jurnalistlərə təşəkkür edib.
Diniyev təyinatı, klubdakı hədəfi və planları haqqında da danışıb: “Biz komanda olaraq hələ ki, funksional uslübda məşq edirik. Komanda haqqında ilk təəssüratlarım çox yaxşıdır Komanda futbol oynamağa həvəslidir. Sadəcə də komandanı müəyyən sistemə salmaq vacibdir. Bir oyunla hər şey bitmir. Hal-hazırda komandanın 6 xalı var, bu çox pis nəticədir. Ona görə, komanda üzərində bir az işləmək lazımdır. Komandanı qarşıdakı oyunlara hazırlamaq, səviyyəni qaldırmaq lazımdı. Mənim karyeramdakı ən ağır işim “Terek”in gənclərdən ibarət komandasında olub. Amma orda beş aya istəyimə nail olmuşam. Komanda da ailə abu-havası yaratmaq lazımdır. Ən adi işçidən klub rəhbərinə qədər hamı birlik və bərabərlik içində olmalıdır. Elə də, nəticə qazanmaq daha rahat olacaq. 2,5 il az bir müddət deyil.
Komandama 4-2-3-1 takitikasını aşılamağa çalışacam. Amma hələ ki, 9-cu pillədəyik ona görə bir çox oyunda rəqibə görə taktika seçəcəyik. Futbolçuları yaxından tanımıram, amma indi disklərini izləyirəm. Adlar mənim üçün önəmli deyil. Hal-hazırda əsas məqsədimiz müdafiədəki problemləri aradan qaldırmaqdır. Dekabrdan sonra tama fərqli “Rəvan” görəcəksiniz”.
