Topaz Premyer Liqasının 27-ci turunda AZAL “Rəvan”ı 3-2 hesabı ilə məğlub etdi.
Korner.az oyundan sonra keçirilən mətbuat konfransında hər iki klubun baş məşqçilərinin səsləndirdiyi fikirlərlə sizi tanış edir.
Ramil Əliyev, “Rəvan” klubunu baş məşqçisi: “Mövsüm ərzində 1-2 dəfə olur ki, oyun istədiyimiz kimi alınmır. Bugünkü oyunu da belə oyunlar sırasına aid edirəm. AZAL bu gün üstün oynadı. Lakin sevindirici haldır ki, biz öz oyunumuzu göstərə bilməsək də, rəqib qapısı ağzında yaratdığımız üç epizoddan ikisində qol vurduq”.
Vaqif Sadıqov, AZAL klubunun baş məşqçisi: ”Rəvan” iki top vurmadı, AZAL iki qol buraxdı. Təəssüf ki, səhvlər olur, davam edir. Səhvlərin gələcəkdə olmaması üçün müəyyən addımlar atacağıq. Rəqibin oyununu tam təhlil etmişdik. Pressinq tətbiq edib əks-hücumlarda rəqibi yaxalamağa çalışdıq. Yaratdığımız qol epizdolarından yalnız üçünü qola çevirə bildik”.
