Topaz Premyer Liqasının 27-ci turuna “Kəpəz” – “Turan” oyunu ilə start verildi. Salif Ballonun ikinci hissədə vurduğu yeganə qol Tovuz təmsilçisinə Qərb derbisində qələbə qazandırdı – 1:0.
Korner.az oyundan sonra keçirilən mətbuat konfransında hər iki klubun baş məşqçilərinin səsləndirdiyi fikirlərlə sizi tanış edir.
Əfqan Talıbov, “Turan” klubunu baş məşqçisi: “Oyunçular fiziki cəhətdən zəifdilər, futbolçularımın gücü tükənib. Müdafiənin mərkəzində gənc futbolçuları oynatdıq. 16-17 yaşlı futbolçular perspektivli sayıla bilər. 1991-1993-cü il təvəllüdlü futbolçular isə artıq özlərini göstərməlidirlər. Təəssüf ki, bacarmadılar, hətta son 20 dəqiqədə “Kəpəz” bizdən üstün oynadı. Komandanı gücləndirmək üçün güclü futbolçuları heyətə cəlb etməliyik. Bunun üçün də maliyyə məsələləri həll olunmalıdır. Çox çətin qələbə qazandıq”.
Mahmud Qurbanov, “Kəpəz” klubunun baş məşqçisi: “Oyuna tam heyətlə çıxa bilmədik, cəmi 17 oyunçumuz var idi. Hücumlarımızı əsasən sol cinahdan qurduğumuz üçün ilk hissədə Elvin Həsənəliyevin zədələnməsi pis oldu. Emin Əliyev isə zədədən təzə sağalıb, istədiyimiz fiziki durumda deyil. Qol buraxdıqdan sonra daha yaxşı oynadıq. Gənc futbolçular təcrübəlilərdən daha enerjili olmalıdırlar, lakin bəziləri bunu anlamır”.
