“Sabah”ın növbəti rəqibi məlum oldu
12.07.2023 , 18:54
Avstriyanın Tirol bölgəsində təlim-məşq toplanışını davam etdirən “Sabah” klubunun qarşılaşacağı növbəti rəqibin adına aydınlıq gəlib.
Korner.az paytaxt təmsilçisinin mətbuat xidmətinə istinadən xəbər verir ki, komanda Almaniyanın 2-ci Bundesliqasında çıxış edən “Sankt-Pauli”ylə üz-üzə gələcək.
İyulun 15-də İtaliyanın San Martino in Passiriya qəsəbəsində, AFC idman kompleksinin stadionunda oynanılacaq görüş Bakı vaxtı ilə saat 14:00-da başlayacaq.
Qeyd edək ki, “Sabah” ilk matçında Qətərin “Əl-Sədd” klubuna 3:1 hesabı ilə qalib gəlib.
