“Kəpəz”lə Premyer Liqanın II turundakı oyun 4 futbolçunun 1 matçda qol vurması ilə əlamətdar olub.
Korner.az-ın klubun rəsmi saytına istinadən verdiyi məlumata görə, rəqib qapısına yol tapan bu oyunçulardan ikisi üçün isə qol xüsusi önəm kəsb edib.
Belə ki, Roberto Alviz və Ruslan Abışov üçün gəncəlilərin qapısından keçirdikləri toplar ilk kimi tarixə düşüb.
Artıq komandanın heyətindəki qol hesabına bu matçadək açan Abışov daha əvvəl avrokuboklarda qol sevinci yaşamışdı. Bu dəfə isə o, "ağ-yaşıl" formada ilk çempionat qolunu vurub. Xorvatiyalı legioner isə nəinki çempionatda, ümumiyyətlə “Xəzər Lənkəran”da qol vurmamışdı. Alvizin qolu onun klubdakı ilk qolu idi.
Roberto “Xəzər Lənkəran” tarixində qol sevinci yaşayan 74-cü oyunçu olub. “Kəpəz”lə görüşədək 73 futbolçu klub tarixində, 66-sı isə komandanın çempionat oyunlarında fərqlənmişdi. Alvizlə Abışov çempionatda ilkə imza atmaqla sonuncu rəqəmi 68-ə çatdırıb.
