Hyundai Motor Company Tam Yeni Sonata-nın (2015 model ili) regional təqdimatını Azərbaycanda təşkil edib.
Korner.az-ın jurnalistlər üçün keçirilən sınaq yürüşünə futbolçu Ruslan Abışov da qatılıb.
Azərbaycan milli komandasının və “Qəbələ” futbol klubunun üzvünün regional tədbirə qatılması Hyundai-ın AFFA ilə partnyorluğu çərçivəsində olub.
Yeni avtomobili sınaqdan keçirən futbolçu təəssüratlarını Hyundai Motor Company nümayəndələri ilə bölüşüb. “Avtomobil çox rahatdır. İdarəetmə üçün lazım olan hər bir cihaz, düymə sürücünün əli altındadır. Diqqəti kənara dağıtmadan avtomobili idarə edirsən. Yeni Sonatanın çevikliyini və gücünü də qeyd edim. Çünki mən burada yağışlı havada idarə etdim və belə bir şəraitdə avtomobil özünü çox yaxşı göstərdi. Bilirik ki, belə şəraitdə əyləc sistemi çox vacibdir. Avtomobilin həssas reaksiyasından belə başa düşmək olur ki, istehsal zamanı təhlükəsizliyə çox diqqət yetiriblər”, – Qəbələdə avtomobilin sınaq yürüşündən sonra Ruslan Abışov belə deyib.