Avropa Liqasının I təsnifaat mərhələsnin cavab oyunları çərçivəsində”Xəzər Lənkəran” – “Slima” matçını izləyənlər arasında AFFA-nın prezidenti Rövnəq Abdullayev də var idi. Qurum başçısının “Fırtınalar meydanı”na gəlməsi əbəs yerə deyilmiş Məsələnin kökü ölkə kubokunun finalında baş vermiş rüsvayçılıqa söykənir.
Məsələ burasındadır ki, Azərbaycan kubokunun finalında baş vermiş məlum olaylardan sonra “ağ-yaşıllar”ın fəxri prezidenti AFFA başçısına öz etirazını bildirmişdi. Hətta kubokun qaliblərinin mükafatlandırmasında Rövnəq Abdullayevin qaş-qabağı kameralardan yayınmamışdı.
Həmin oyundan sonra yenidən Azərbaycanı tərk edən M.Mənsimov sahibi olduğu komandasının oyununu izləmək üçün Lənkərana gəlmişdi. Qurum başçısının son dəfə finalda gördüyü Mənsimovla görüşü bu dəfə Lənkəranda baş tutdu. Abdullayevin dünən Lənkəranda o qədər də maraqlı keçməyən oyunu izləməsi onun Mübariz Mənsimovla digər məsələlərinin olması ilə əlaqədardı. Necə deyərlər Abdullayev öz “günahını yumaq” istəyir.
Səxavət QURBANOV
