"Gəlin nəzərə alaq ki, İsrail yığması reytinqdə bizdən daha yüksək yerdədir. Ümumilikdə, ilk matçda 1 xal qazanmaq pis deyil. Komanda gələcəkdə daha yaxşı oynaya bilər. Bu gün İsrail yığması belə oynayacağımızı gözləmirdi. Onlar 1994-cü ildə olduğu kimi rəqib görəcəklərinə ümid edirdilər. Ümid edirəm ki, uğur uğurun dalınca gələr."
Korner.az-ın məlumatına görə, bu sözləri AFFA prezidenti Rövnəq Abdullayev deyib. DÇ-2014-ün seçmə mərhələsi çərçivəsində millimizin İsrail yığması ilə oyunda 1:1-lik heç-heçəsindən danışarkən qrum rəhbəri komandanı dəstəkləyən azarkeşlərə və 4 gün sonra Braqada keçiriləcək Portuqaliya ilə görüş haqqında da danışıb:
"Onlara təşəkkür edirəm ki, komandanı dəstəklədilər. Bütün oyunlarda komandaya belə dəstək vermək lazımdı. Bu gün hakimliklə bağlı müəyyən problemlər oldu. Bir neçə şans da oldu. Meydan düzdür, top dəyirmi. Hər şey ola bilər. Sadəcə, komandanı dəstəkləməliyik. Xahiş edirəm ki, futbolçulara dəstək olasınız. Onlar gəncdirlər, psixoloji dəstəyə ehtiyacları var.
