"Qəbələ"nin baş məşqçisi Roman Qriqorçuk sabah keçiriləcək "Krasnodar"la oyunöncəsi mətbuat konfransında jurnalistlərin suallarını cavablandırıb.
Korner.az-ın məlumatına görə, o, bunları deyib:
– Sabahki oyun "Krasnodar" üçün daha vacibdi. Çünki qrup lideri kimi novbəti mərhələyə çıxmaq istəyir. Bu oyun bizim üçün də təcrübə baxımından önəmlidi. Şanslar haqda danışmaq istəmirəm. Oyun qabağı şanslar bərabər olur.
– Avroliqada "Qəbələ" legionerlərlə çıxış etdi. Sabahkı oyun heç bir seyi dəyişmir. Düşünmək olarmı ki, sabah yerli futbolçuları meydanda görə bilərik?
– Bizim yanaşmamız həmişəki kimi dəyişmir. Sabahkı oyunda kim hazırdısa, o da oynayacaq.
– "Qəbələ"yə qələbə qazanmaq üçün nə lazımdı, nəyi var?
– Bizim istəyimiz yaxşı oyun sərgiləməkdi. Yaxşı oyunçularımız, komandamız var. Sabahkı oyunda istədiyimiz futbolu sərgiləyəcəyik.
– Qrup oyunlarında hansı oyunun nəticəsi sizi təəssüfləndirdi?
– Belə xüsusi oyun yoxdu. Bəzi oyunlarda biz qələbə qazanmalı idik bunu əldə edə bilmədik.
– Sabahkı oyuna azarkeş marağının da az olacağı gözlənilir…
– Biz onlara görə oynayacağıq. Azərkeşlər gəlsələr də, gəlməsələrdə bu dəyişmir.
