2015/16-cı il transfer mövsümü aktiv şəkildə davam edir. Bu aktivlik özünü Türkiyədə də göstərir. Gələn mövsümdən Superliqada portuqaliyalı ulduz Nani, Mourinyonun “qoca” futbolçusu Samuel Eto, “Arsenal”ın “Tvitter” fenomeni Lukas Podolski ilə bərabər “topçular”ın həm də “satqın” adlandırdığı Robin van Persi mübarizə aparacaq. Bu transferlərin hər biri özünəməxsus əhəmiyyətə malikdi. Lakin “uçan hollandiyalı”nın İstanbula gəlişi azarkeşləri az coşdurmadı. Bu yazıda dünya futbolunda öz sözünü demiş və məşhur insanların van Persi haqda dediyi fikirlər sizlərə təqdim olunacaq.
1. “Getdiyi hər komandanı…”
“Fənərbağça”nın heyətində 65 oyunda 33 qol vurmuş Pyer van Hoydonk həmyerlisi haqda:
“O, qol maşınıdı. Bunu hər kəs bilir. Getdiyi hər komandanı gücləndirməyə qadirdi.
2. “Daha çox uğur qazanmaq…”
“Mançester Yunayted”in heyətində uzun illər tər tökmüş Rio Ferdinand komanda yoldaşı haqda:
“Sir Aleks Ferqyussonun gedişi onu çox sarsıtdı. Robin Ferqyusonla çalışdı və nailiyyətlər qazandı. Lakin o, daha çox uğur qazanmaq istəyir”
3. “Daha çox qol vuracaq…”
“Barsa”da məşhurlaşan və rəqib qapılarına 90 dəfə yol tapan Patrik Kluyvert van Persiyə qədər ölkəsinin heyətində ən çox qol vuran futbolçu idi – 40 qol. O həmyerlisi haqda:
“10 il idi ki, Hollandiyanın ən çox qol vuran furbolçusu idi. Van Persi məni keçdi. Bu münasibətlə onu təbrik edirəm. Düşünürəm ki, Robin daha çox qol vuracaq”
4. “Dünya səviyyəli futbolçu…”
Van Persini uzun müddət birlikdə işlədiyi Arsen Venqer:
“Mənim üçün futbolçular 3 hissəyə ayrılır. Öz ölkəsində uğur qazanan futbolçular – daxili səviyyəli, xarici arenalarda nailiyyət əldə edənlər – xarici səviyyəli və nəhayət, bütün dünyada uğur qazanan futbolçular. Düşünürəm ki, van Persi dünya səviyyəli futbolçudu.”
5. “Qeyri-adi istedad”
“Mançester Yunayted”in əfsanəvi çalışdırıcısı Sir Aleks Ferqyusson:
“O, Avropa və İngiltərə futbolunda öz sözünü demiş futbolçudu. Van Persi ilə işləmək zövq verirdi. Onun bitiriciliyi, cəldliyi və bütün istedadları qeyri-adi idi”
6. “Çox uğurlu olacaq”
“Fənərbağça”nın digər transfer bombası Nani:
“Van Persini yaxşı tanıyıram. Əminəm ki, bu klub ona çox uğurlu olacaq”
