Almaniya Gənclər Bundesliqasının Cənub zonasında XXIII turun oyunları davam edir.
Korner.az-ın məlumatına görə, milli komandamızın üzvü Renat Dadaşovun şərəfini qoruduğu “Ayntraxt” da növbəti matçına çıxıb.
Frankfurtlular “Münhen 1860”la üz-üzə gəliblər. Görüş meydan sahiblərinin 3:1 hesablı qələbəsi ilə yekunlaşıb.
Matça əsas heyətdə başlayan Renat sona qədər meydanda olub. O, qol vurmasa da, sarı vərəqə ilə “fərqlənməyi” bacarıb.
Qeyd edək ki, 23 oyundan sonra aktivində 29 xal olan “Ayntraxt” turnir cədvəlinin 8-ci pilləsində qərarlaşıb.
(apasport.az)
