Madrid “Real”ının müdafiəçisi Serxio Ramos La Liqanın növbəti turunda səfərdə “Vilyareal”la keçiriləcək matçda oynaya bilər.
Korner.az-ın məlumatına görə, bu haqda omandanın baş məşqçisi Rafael Benites məlumat verib.
O bildirib ki, 29 yaşlı futbolçu qarşıdakı oyunda meydana çıxmağa hazırdı.
Təcrübəli müdafiəçi sonuncu dəfə noyabrın 21-də “Barselona” ilə oyunda meydanda olub. Bundan sonra o, zədəsini sağaltmaqla məşğul idi.
Ramos çiyninin zədəsinə görə komandasının 5 oyununu buraxıb.
“Vilyareal” – “Real” oyunu dekabrın 13-də keçiriləcək, Bakı vaxtı ilə saat 23:30-da start götürəcək.
