.jpeg)
Premyer Liqaın IX turunda "Qəbələ" səfərdə "Xəzər-Lənkəran"la qarşılaşacaq. "Ağ-yaşıllar"la səfəri öncəsi komandanın baş məşqçisi Ramiz Məmmədov matç barədə fikirlərini açıqlayıb.
Korner.az-ın klubun rəsmi saytına istinadən yaydığı məlumata görə, mütəxəssis Lənkərana 3 xal dalınca yollanacaqlarını söyləyib:
"Bundan sonra bizim itirəcək heç nəyimiz yoxdur. Çempionatdakı hər oyunda qələbə uğrunda mübarizə aparacağıq. Buna komandanın potensialı da imkan verir. Yığmamızın oyunu ilə əlaqədar yaranan fasilədən lazımınca istifadə etdik. Futbolçuların ümumi fiziki hazırlığına diqqət yönəltdik, texniki-taktiki gedişləri, eləcə də heyətdə olan düzülüşləri bir daha nəzərdən keçirtdik, onları bir az da təkmilləşdirdik. Lənkərana üç xal dalınca yollanırıq".
Çalışdırıcı Azərbaycan çempionatında səfər oyununun olmadığını bildirib: "Lənkəran respublikamızın gözəl guşələrindən biridir. Orada çoxlu dostlarımız var. Azərbaycanın hər bir bölgəsi mənə doğmadır. Yəni, mənim üçün Azərbaycanda səfər oyunu yoxdur. Futbolçularıma da bunu öyrədirəm ki, ölkəmizin hüdudları daxilində oynayırıqsa, deməli, bizim üçün səfər matçı anlayışı olmamalıdır. Əgər ilk “altılığ”a düşüb, avrokuboklara vəsiqə qazanarıqsa, qitəmiqyaslı yarışlarda səfər oyunlarımız olacaq".
