Dünən Azərbaycan Kubokunun püşkatma mərasimi keçirilib.
Korner.az-ın məlumatına görə, tədbirdə iştirak edən Peşəkar Futbol Liqasının prezidenti Ramin Musayev bir sıra məqamlara toxunub.
Ramin Musayevin açıqlamalarını təqdim edirik:
“Hər birinizi püşkatma münasibəti ilə təbrik edirəm. İnşallah, yaxşı mübarizə getsin və layiq olan qələbə qazansın. Bizim borcumuz istər çempionat, istərsə də kubok oyununu ədalətli şəkildə təşkil etməkdir. Bəzən müxtəlif informasiyalar ortaya atılır. Amma özünüz də görürsünüz ki, çempion, kubokun sahibi eləcə də, digər titulları qazanmış komandalar avrokubok oyunlarında bu yerlərə layiq olduqlarını sübüt edirlər. Avrokuboklarda çıxış edən komandalarımızdan “Neftçi” və “İnter” bu mötəbər yarışlarda hakim səhvləri ilə üzləşdilər. Bu iki klubun çıxışını erkən başa vurmasına hakimlər səbəb oldular. Layiq olan komanda qalib olmalıdır. Biz eyni zamanda I Diviziona da diqqəti artırmışıq. Artıq Divizionun bütün oyunları Peşəkar Futbol Liqasının operatorları tərəfindən lentə alınır və həmin videolar saytımızda yerləşdirilir”.
