PFL-in prezidenti Ramin Musayev Azərbaycan – Rusiya matçı öncəsi qonçu ölkə mətbuatına açıqlamalar verib.
Korner.az-ın məlumatına görə, o, yığmamızın qələbə qazanacağı təqdirdə veriləcək rekor məbləğdə mükafat məsələsinə aydınlıq gətirib.
Ramin Musayev bu fikirləri səsləndirib: “Rusiya ilə oyunun xüsusi prinsipiallıq daşıması ilə bağlı söylənilən fikirləri çox şişirdilmiş hesab edirəm. Biz ruslara qarşı böyük hörmətlə yanaşırıq. Çox şadıq ki, onlar dünya çempionatının bir addımlığındadılar. 127 min dollar mükafat vəd olunması məlumatı mətbuatda yayılıb, biz deməmişik. Belə məbləğdən söhbət getmir. Bizim hər futbolçuya verəcək bu qədər pulumuz yoxdu. Lakin qonorar məsələsinə həqiqətən baxılıb. Burda qeyri-adi nə var ki? Bu, dünya praktikasında görünən normal haldı”.
