“Rəvan” yeni mövsümə hazırlıqlarını davam etdirir.
Korner.az-ın klubun saytına isitnadən yaydığı xəbərə görə, komanda bazar ertəsi baş tutan bərpaedici məşqdən sonra gücləndirilmiş rejimlə çalışır. Gündə 2 dəfə məşq edən futbolçular bugünkü səhər məşqində əsasən fiziki hazırlıq üzərində çalışıb. Müxtəlif maneələri dəf etməklə müəyyən olunmuş məsafələrə qaçan oyunçular eyni zamanda fiziki çalışma üzrə ənənəvi təmrinləri də yerinə yetirib.
Axşam məşqində isə texniki-taktiki hazırlıq ön plana çıxıb. Baş məşqçi Ramil Əliyev futbolçulara dar sahədə pressinq altından çıxmaq üzrə xüsusi tapşırıqlar verib.
Qeyd edək ki, hərbçilər arasında keçirilən I dünya çempionatında millimizin şərəfini qoruyan 6 futbolçunu saymasaq, heyətlə bağlı problem yoxdur. Belə ki, yüngül zədələri olan qapıçılar Lukaş Sapela və Fuad Əhmədov, eləcə də dizindəki ağrılara görə bir müddət istirahət edən Şəhriyar Rəhimov bütün komanda ilə ümumi qrupda məşqdə iştirak edib.