Doğma meydanda “Sumqayıt”a 1:2 hesabı ilə məğlub olan “Xəzər Lənkəran” istirahət etmədən növbəti tur üçün hazırlaşacaq. “Ağ-yaşıllar” bu gün oyunsonrası bərpa məşqini keçirəcək.
Korner.az-ın məlumatına görə, seçkilərlə əlaqədar PFL Premyer Liqanın XI turunun oyunlarını bir gün qabağa çəksə də cənublular bu dəyişikliklə razılaşmayaraq, etirazını gizlətməmişdi.
Beləcə, XI tur çərçivəsində keçirilməsi nəzərdə tutulan “Rəvan” – “Xəzər Lənkəran” oyunu hər iki klubun razılığına əsasən noyabrın 2-də baş tutacaq. “Xəzər Lənkəran” isə oktyabrın 31-ə qədər hazırlıqlarını doğma şəhərdə davam etdirəcək.
