Topaz Premyer Liqanın 24-cü
turunda Bakının “Rəvan” klubu “Bayil Arena”da digər Bakı təmsilçisi AZAL-ı
qəbul edəcək.
Korner.az-ın klubun rəsmi saytına istinadən verdiyi məlumata
görə, “Bayıl Arena”da keçiriləcək qarşılaşma fevralın ayının 28-də keçiriləcək.
Komanda bu oyunun hazırlıqlarına başlayıb. Dünən Qəbələdə meydana çıxanlar
üçün bərpaedici məşqlər olduğundan hazırlıq tam tərkibdə baş tutmamışdı. Bu gün
isə komandanın bütün üzvləri bir araya gəlib. Baş məqşçi Güvənc Kurtar məşqi
iki hissəyə bölüb. Əvvəlcə taktiki-texniki çalışmalarla yüklənən oyunçular
sonda fiziki hazırlığa da vaxt ayırıblar.
Nəzərinizə çatdıraq ki, Hüseyn
Axundov cəzasını başa vurduğundan AZAL ilə oyunda Kurtarın sərəncamında olacaq.
Əvəzində İK tərəfindən 3 oyunluğa cəzalanan Lukaş
Sapela “təyyarəçilər”lə matçda forma geyə bilməyəcək. Elə
zədəsini sağaltmaqda olan Tyaqo Mirasema da böyük ehtimalla AZAL-la
görüşdə oynaya bilməyəcək.
