Yeni mövsümün hazırlıqlarını davam etdirən “Qəbələ” daha bir futbolçunun keçidini rəsmiləşdirib.
Korner.az-ın məlumatına görə, əyalət təmsilçisi Ukraynanın “Voln” komandasının üzvü Daniel Subotiçlə bir illik müqavilə imzalayacaq.
1989-cu ildə Xorvatiyanın Zaqreb şəhərində doğulan Subotiç 2010-2011-ci illərdə Rumıniyanın “Tarqu Mure” klubunda çıxış edib. Daha sonra “Voln” klubuna transfer olunan 24 yaşlı futbolçu burada 23 oyuna 4 qol vurub.
Qeyd edək ki, “Qəbələ” bundan öncə Vladimir Levin, Nizami Hacıyev, İbrahima Niasse, David Petrzkeviç, Lorenzo Ebesilyo, Dmitri Kramarenko, Abdulvahid Afolabini heyətinə cəlb edib.