Avropa Liqasında ölkəmizi təmsil edəcək "Qarabağ" ilk transferini rəsmiləşdirib.
Korner.az-ın məlumatına görə, Ağdam klubu Nikolos Qelaşvilini heyətinə qatıb.
Türkiyəyə yollanaraq «Qarabağ»ın düşərgəsinə qoşulan gürcü forvardla iki illik müqavilə imzalanıb. İndi ağdamlılar 27 yaşlı Nikolasın transfer vərəqinin gəlməsini gözləyir.
Qeyd edək ki, Nikolas karyerasına Gürcüstanın «VİT-Georgia» klubunda başlayıb (2003-2004, 6 oyun). Daha sonra «Kaxeti»də (2004-2005, 28 oyun, 8 qol) çıxış edən Gelaşvili 2005-ci ildə «VİT-Georgia»ya dönüb (2005-2007, 51 oyun, 25 qol). 2008-2012-ci illərdə «Zestafoni»nin əsas (105 oyun, 63 qol) və əvəzeidici komandasında (3 oyun, 1 qol) çıxış edən forvard 2012-ci ildə Almaniyanın «Bohum» klubuna keçib və II Bundesliqada 25 oyunda 2 qola imza atıb. O, bundan başqa «Bohum»un ikinci komandasının heyətində Regional Liqada 2 oyuna çıxıb.
Nikolas 2005-2006-cı illərdə Gürcüstan U-21-nə (7 oyun, 1 qol), 2007-ci ildən A milliyə dəvət alıb. Qətərlə oyunda debüt edən Gelaşvili 11 dəfə milli formanı geyib. Baş məşqçi Timuri Ketsbaya onu iyunun 2-də və 5-də İrlandiya və Danimarka ilə oyunlara dəvət edib. İrlandiyaya qarşı 61 dəqiqə oynayan Nikolas Danimarka matçının 87-ci dəqiqəsində meydana çıxıb.
