Bakının “Neftçi” klubunun kapitanı Rəşad Sadiqov ölkə çempianatının VI turunda evdə “İnter”lə keçiriləcək oyun haqqında fikirlərini bölüşüb. “Çətin oyun olacağını bilirik. “İnter”in zəif çıxışı bizi arxayınlaşdırmır. Rəqibə hörmətlə yanaşırıq. Komanda olaraq yalnız qələbəyə köklənmişik. Sabahkı oyunda azarkeşlərimizin güclü dəstəyinə ehtiyacımız olacaq. İnanıram ki, qələbə qazanıb turnir cədvəlindəki vəziyyətimizi yaxşılaşdıracağıq”.
Korner.az-ın klubun rəsmi saytına istinadən verdiyi məlumata görə, komandanın digər aparıcı üzvü Erik Ramosda fikirlərini bölüşüb. “”İnter” mövsümə istədiyi kimi başlamayıb. Bu səbəbdən xal qazanmaq üçün əllərindən gələni əsirgəməyəcəklər. Amma təbii ki, 3 xal bizə də hava-su kimi lazımdır. Buna görə də sabah meydana yalnız qələbə üçün çıxacağıq. Çempionat uzun marafon olsa da burada hər xal qızıl dəyərindədir. Çalışacağıq ki, qalib gəlib azarkeşlərimizi sevindirək”.
