"Qəbələ"nin futbolçusu Rəşad Abdullayevin Korner.az saytına müsahibəsi
– Son turda "Bakı"ya gözlənilmədən məğlub oldunuz. Ardıcıl qələbələrdən sonra komanda da arxayınçılıq yaranmışdı?
"Bakı" ilə oyunu yaxşı oynadıq. Sadəcə uşaqlar bəzi yerlərdə səhvə yol verdilər ki, bu da məğlub olmağımıza səbəb oldu. "Bakı" müdafiədən çıxış edirdi. Biz isə daim hücumda idik. Ancaq arxayınçılıqın qurbanı olmadıq. Çünki biz qələbəyə "ac" komandayıq.
– Dodo və sənin yoxluğun "Qəbələ"nin oyununa təsir etdimi?
Bəlkə də, hə. Biz oynasaydıq topu daha çox saxlayar, dəqiq ötürmələr edərdik. Ancaq bilmək olmaz. Bəkə elə biz meydanda olarkən də elə qol buraxacaqdıq.
– Hal-hazırda 4-cü pillədə qərarlaşmısız. Halbuki istənilən xal itkisi sizi ilk "altılıq"dan kənar qoya bilər. Şanslarınızı necə dəyərləndirirsiz?
Biz qarşıdakı 3 oyunda maksiumum xal toplamağa çalışacağıq. Çünki bundan sonra bizi yalnız qələbə qane edər. İlk "altılıq"dan kənar qalsaq bu əsl faciə olar. Buna görə də, "Bakı" məğlubiyyətindən nəticə çxardıb, digər oyunlara daha yaxşı köklənməyə çalışırıq.
– Qış transfer pəncərəsinin açılmasına az qalıb. Klubunu dəyişmək fikirin varmı?
Mənim "Qəbələ" ilə müqaviləm var. Bu komandaya məxsusam və burdayam. Heç yerə getmək fikirim yoxdu. Düzdü maraqlanan klublar var. Ancaq mən "Qəbələ"nin uğurları üçün çalışıram.
– Dünən sabiq komandan "Neftçi" "İnter"lə səfərdə 2:2-lik heç-heçə etdi. Həmin oyunu yəqin ki izləmisən.
Bəli, izlədim. "Neftçi" əla oynadı. Qürur hissi keçirdim. Mən də istəyərdim ki, həmin gün meydanda olum. "Neftçi"nin Avopa Liqasındakı uğurlarında mənim də əməyim az olmayıb.
– Sabah "Sumqayıt"la qarşılaşacaqsınız. Bu oyunla bağlı nə deyərdiz?
Bu oyuna yalnız qələbə qazanmaq üçn çıxacağıq. Biz artıq xal itirmək istəmirik. "Sumqayıt" yaxşı komandadır. Lakin biz qələbə qazanıb mövqeyimizi möhkəmləndirmək istəyirik.
Səxavət QURBANOV
