"Oyunçularımız hamısı yaxşıdır. Bütün zədəlilərimiz sıraya qayıdıb. Artıq Çumbinyo ilə İlqar Qurbanov da komanda ilə birgə hazırlaşır"
Korner.az-ın məlumatına görə, bu sözləri "Qarabağ"ın baş məşqçisi Qurban Qurbanov deyib. "Tvente" ilə oyundan öncə danışan Qurbanov sözlətinə belə davam edib:
"Əgər "Zalsburq"la oyun ərəfəsində biz məğlub olacağımız halda Avropa Liqasında mübarizəni davam etdirəcəyimizə arxayın idiksə, indi elə bir şansımız da qalmayıb. Üçüncü şansımız olmayacaq. Ona görə bu səfər oyunu əvvəli gərginlik daha çoxdur. Amma deməzdim ki, bu gərginlik sözünü deyəcək. Bu, "Qarabağ"ın ilk pley-off oyunu deyil. Kifayət qədər təcrübə toplamışıq. Rəqibin bu dəfə də müdafiədən oynayacağını düşünmürəm. Bakıda çox qapalı futbol sərgilədilər. Amma nəticə qazanmaq üçün yenidən müdafiə futboluna üstünlük vermələri də mümkündür. Nəticəyə oynamağı bacaran komandadır. Bizim cavab oyununda daha sürətli futbol sərgiləmək imkanımız olacaq. İlk oyunda belə imkanımız yox idi. Qrupa düşmək üçün əlimizdən gələni edəcəyik. Əvvəlcədən nəsə deməyi xoşlamıram. Amma Allah etsin ki, biz də qrup mərhələsinə vəsiqə qazana bilək".(azerisport)
