"Hazırlığımız öz axarı ilə davam edir. Hər şey normal gedir. Öncədən hazırladığımız proqram əsasında çalışırıq”.
Korner.az-ın məlumatına görə, bu fikirləri “Kəpəz”in baş məşqçisi Mahmud Qurbanov klubunun rəsmi saytına açıqlamasında deyib.
Gəncə tmsilçisinin baş məşqçisi futbolçuların məşqlərdə istəklə çalışdıqlarını bildirib:
“Verilən tapşırıqları qaydasında yerinə yetirirlər. İşimiz çoxdur. Artıq gündə iki dəfə məşq etməyə başlamışıq. Bu isə yükləməni demək olar ki, artırıb. Uşaqlar yaxşı hazırlaşmalıdırlar ki, çatışmazlıqları aradan qaldıra bilsinlər. Düşərgədə yeni dəvət etdiyimiz oyunçular var. Onlar baxışdadırlar. Hələlik onlara baxıb, göz qoyuruq. Özlərini yaxşı tərəfdən göstərənlər komandaya düşə biləcəklər".